回收店又嘈又霸道 街坊不滿
「一蚊租都唔使畀，就咁霸住條街嚟做生意，搞到污污糟糟唔在講，仲要一日到黑將啲爛銅爛鐵掟嚟掟去，真係搞到人都癲！」張小姐指出，灣仔陳東里行人道常有人擺放磅秤及鐵籠以經營金屬回收，發出極大噪音之餘，亦有礙環境衞生，「唔係冇投訴過，但係食環署好似冇佢符咁。」
食署僅作警告 形同放生
食環署發言人證實，去年至今共接獲兩宗相關投訴，亦十分關注有關情況，已多次派員與警方進行聯合行動，如發現公眾地方有物品阻礙清掃，會向物主發出警告或「移走障礙物通知書」。不過，在多次行動中，涉事物主皆遵從警告移走物品，故未有作出檢控。
然而，張小姐對食環署回覆仍大感不滿，認為執法乏力、形同放生，「佢日日都要清走啲嘢拎去賣，你唔叫都會搬啲嘢走，但個問題係轉過頭又會返嚟呢！」