政情：公民講場：香港「醫住先」 政改要通過

去年佔領行動爆發期間，「肝臟權威」港大醫學院外科學系主任盧寵茂曾經形容佔領就好似擴散惡化嘅癌症一樣。事隔多月，盧醫生再次以病情比喻政治狀況，話人體內嘅白血球含量，冇一個國際標準，就好似普選一樣冇國際標準。佢仲話香港如果唔通過政改，政制原地踏步，就好似一個病人唔睇醫生等死，所以希望政改通過「袋住先」，等香港可以「醫住先」喎。