政情：今日你上鏡：陳晴唔返屋企 囝囝詐型

近日天氣開始炎熱，有日我哋就喺中環香港會所遇到聯合國兒童基金會香港委員會主席陳晴（Judy），見佢着住清爽嘅鮮黃色雪紡裙，令人眼前一亮。Judy擔任公職一直都好忙，係咪冇晒時間陪家人？佢就笑笑口話，今年四歲嘅囝囝已經識得經常打視像電話畀佢，仲不時投訴同催佢快啲返屋企喎，真係冧到爆。囝囝掛住媽咪，作為女兒嘅Judy都好掛住爸爸國務院港澳辦前副主任陳佐洱，所以每逢去北京開會時亦會搵爸爸相聚享天倫。