立法會審議政改方案在即，建制派紛紛出動撐政改，尋日輪到廣東社團總會出動，到尖沙咀碼頭擺街站收集市民簽名支持政改。有份出席嘅霍家公子霍震宇都有現身，佢話香港經濟要發展，政治就一定要進一步，所以政改過到對香港會好啲。被問到會否擔心立法會「拉布」阻撓政改方案表決，霍震宇就話︰「拉布？咪好似細路仔出牙仔咁囉，出吓痛吓，出吓痛吓，一定會經歷呢個過程，但最終一定都會成功。」似乎佢對通過政改都幾樂觀喎！
