政情：今日你上鏡：肥亨體貼家人

早幾日我哋喺灣仔見到商務及經濟發展局前局長馬時亨（肥亨）一家人，齊齊食晚飯享受天倫樂。由於當晚落大雨，佢哋乘坐嘅七人車停泊喺灣仔道附近後，肥亨一落車就因為天雨路滑跣一跣腳，好在佢平行力唔錯立即企番穩，但就不忘提醒尾隨落車嘅太太及細女要小心路滑，相當體貼。問到肥亨大女馬露明及細女馬露玲幾時生番個小朋友，露玲同媽咪馬王培琪都係嗰句，唔會特別強求及畀壓力，都係等神嘅安排喎。