黃大仙：花槽爛圍欄 刮傷途人
花槽的設置原為美化環境，但陳太發現黃大仙鳳德街市行人天橋花槽圍欄損毀多時，卻未見部門維修。「去街市買餸有時都會推住架買餸車經過，見到啲欄杆飛晒出嚟，有次真係唔覺意畀佢刮到，都唔知點解無人嚟整（維修）！」
康文署稱已經移走
康樂及文化事務署發言人指出，上址花床植物均由該署負責護養，為免路人誤踏花床引致植物幼苗受損，工程部門在花床旁裝上欄柵。由於現時該處植物已穩定成長，遂於早前移走欄柵，讓植物有更多生長空間。
「好聽啲我先叫佢花槽，實質上邊度有花？你仲話啲植物穩定成長，要畀佢更多空間生長？咪玩啦，搵人嚟清清雜草就差唔多！」陳太坦言不滿康文署虛應投訴，質疑部門未有派員實地了解。