政府自推自廢資歷架構

「用咁多錢整個資歷架構，但就從來冇見過啲公司請人會講明要第幾級先可以應徵，仲要連政府自己請公務員都唔用，咁同名存實亡有咩分別？」大學畢業後仍有持續進修的李先生早前有意投身公務員，惟細閱招聘條件後，發現政府未有採用資歷架構七級制框架，認為不但令制度淪為空談，亦令投考者大感混亂，「同樣話係請大學生，但有啲就寫明要請榮譽學士、有啲就淨係寫大學畢業生，好似完全冇準則咁。」

剝削進修人士求職升遷優勢

李又稱，因本身仍有繼續進修，故其資歷應獲評為「第六級」，較「第五級」大學本科畢業生評級為高，卻因資歷架構鮮被應用，以致求職或升遷時未見優勢，「成日叫人不斷增值，但係讀完書升咗級又係咁，咁整個架構要嚟做咩。」

資歷架構一直被指認受性偏低，即使招聘公務員亦未列作招聘條件。	市民心聲 何先生（大專生）：「知道副學士係第四級，但大學就業講座就從來冇提過，亦冇見過招聘有用。」	車小姐（大學生）：「唔知道自己屬於邊級，覺得呢個制度仲未普及同成熟，政府應多推廣。」

教育局發言人指，政府去年九月撥款十億元設立資歷架構基金，並更新支援計劃，向教育及培訓機構提供全費或部分資助，以鼓勵申請評審，從而確保課程質素，而過去數年亦有透過簡介會及大型活動以推廣有關訊息，目前亦準備委託顧問公司制訂大型公眾教育策略及宣傳活動。

議員：長遠不利香港競爭力

公務員事務局發言人則解釋，就學士學位的公務員職級而言，一般要求為本地大學頒發的學士學位或同等學歷，惟某些職級入職要求為榮譽學位或同等學歷，倘求職者持非本地學位將再作評核。發言人續說，如在資歷架構下用以制訂各級別能力要求的通用指標適用於個別職系或職級，將考慮與教育局研究在釐定有關入職要求時應用。

「依家資歷架構喺市面應用好有限，某啲行業註冊嘅人數唔多，私人市場亦都好少用嚟請人或者作為升職條件。」勞工界立法會議員郭偉強指出，現時資歷架構未受廣泛接受，削弱市民進修動機，長遠不利本港競爭力，建議政府招聘或擢升公務員時率先適度應用，「好似毅進咁，都係政府帶頭認可畢業生，一至三級嘅課程種類比較繁複，亦都比較參差，可以考慮應用咗四級或以上先，政府牽頭增加可信性。」

記者︰呂耀焜