成日將寫錯字嘅橫額通街掛嘅民建聯（民記）又再出錯。有網民發現民記連父母親都搞錯，誤祝天下「父親」母親節快樂，網民仲將橫額照片上載社交網站，笑稱民記是否為「父親」爭取同志平權。我哋向涉事嘅立法會議員葛珮帆（EQ）查詢，EQ聞言表示不知情，仲賴係同事忙中有錯，會着同事立即更正。不過，佢笑稱只要喺父親後加「節」字，即成「願祝天下 父親節 母親節快樂」，橫額就可以一直懸掛至下月父親節喎！但話口未完，佢哋就立即將橫額移除喇！
