中環出更：激辯粗口歌 何君堯叫人脫衣
嶺南大學學生會早前舉行學生音樂會，有表演團體大唱辱警粗口歌嘅風波未平，噚日火頭仲蔓延到一個論壇，曾要求立即解散學生會嘅律師何君堯，尋日同文化評論人評論人鄧小樺及嶺大學生會會長劉振琳火併，仲多次挑機指佢哋夠膽就喺個節目度讀出粗口歌詞，其後更疑測試社會期望底線，點名指鄧小樺點解唔喺台上脫去衣服，以表現行為藝術。
李偲嫣不滿冇被邀請
尋日一個論壇討論嶺大粗口音樂會風波，場內場外激烈爭辯，何君堯係節目初段引用《公安條例》，解釋粗口歌詞帶有恐嚇同侮辱成分，鄧小樺反駁指屬創作自由，仲話粗口歌事件只係表達意見嘅過程，搞到何君堯愈講愈激動，仲幾次叫鄧小樺同劉振琳夠膽就喺個節目度讀出粗口歌詞，劉振琳其後發言時提醒何君堯，呼籲對方冷靜啲，「我哋上緊電視」。
另外節目又出現一段小插曲，話說撐警大聯盟召集人李偲嫣於節目開始前，走去同節目主持人理論，不滿對方冇邀請其出任嘉賓，但遭暗批同何君堯相比「差九截」。
卓妮