「騎呢」打扮瘋傳網絡 上載乘客：佢令我歡樂
【本報訊】「一拉成名」的新聞人物芳姐，原來早於一個月前已是網絡紅人，有網民乘坐其的士時拍下她的「騎呢」打扮，上傳至社交網站facebook群組，相中的芳姐全身保護裝備，但未見有疑似槍械。上載的網民大讚芳姐做足安全措施，並分享自己做其乘客的體驗：「我一上車已經『嘩』咗一聲，嚇咗我一跳，由屯門去黃金海岸全程廿五個半，但我畀咗卅蚊畀佢，因為佢令我全程的士帶來歡樂。」
照片旋即被瘋傳，獲逾千個網民讚好，但留言有讚有彈，有人擔心其駕駛技術，不諱言：「連揸車嗰個都唔信自己手車，你做乘客敢上車你仲值得欣賞！」有網民則認為毋須大驚小怪，相信芳姐是為了安全着想，坦言：「戴頭盔真係有咩問題？人哋緊張自己自身安全都唔得？」
行家：驚不如唔好做
不過，有的士行家笑言：「又要揸的士，又要戴頭盔！」認為多此一舉。新界的士司機陳先生昨表示，從未見過芳姐，得悉對方因擔心「畀人扑」而全副武裝，認為屯門區日間治安不錯，不必驚慌，並說：「朝頭早唔覺有咩問題，我揸咁耐都未試過畀人打劫。」他又稱，從未見過有的士女司機戴頭盔，笑言：「個客見到咪仲驚，驚你不如唔好做。如果又戴頭盔又擸刀，其實佢唔應該做呢行。」
