九龍城：違泊阻礙視線 途人過路牙煙
「我就住喺上面，呢條路日日都有好多私家車泊，完全唔理係咪劃咗單黃線。呢邊早排先發生過意外，有個婆婆過馬路時畀架小巴撞倒。泊晒啲車喺度我哋過馬路時睇唔到有冇車，咁樣梗係易出事！」九龍城居民陳先生指出，沙浦道常有大量私家車違例停泊，擔心途人「捐車罅」過路易生意外。
過去一年接89投訴
警方發言人表示，九龍城警區一直關注上址一帶交通情況，並採取適當的執法行動，以保持道路暢順。
發言人又證實，過去一年警方共接獲八十九宗相關投訴，期間發出超過二百五十張定額罰款告票。發言人強調，會繼續留意上址和加強巡邏，以確保道路使用者的安全。
陳先生冀警方繼續跟進事件，防止意外再次發生，「有成八十幾單投訴，一睇就真係好大問題啦，警方真係要做多啲嘢！」