政情：唐家成林大輝 反駁審計批評

最新發表嘅審計報告批評體育學院董事局主席唐家成、董事林大輝同院長李翠莎違反防止利益衝突嘅規則，喺涉及二百萬元的「伙伴學校計劃」會議冇避席，同佢哋分別作為英基學校協會主席、林大輝中學校監同賽馬會體藝中學校董嘅身份有衝突，其中唐家成尋日公開回應事件，強調自己喺會議上已經做咗利益申報，討論議題時亦都冇投票，認為喺會議過程好公開，冇乜唔妥。佢又話，自己只係以義工身份，推動有利香港精英運動員嘅工作，當中唔涉及個人利益。