洋街坊戴防毒面具走難
【本報訊】親歷大爆炸的居民形容事發時恍如世界末日，令「成屋企震晒」，以為發生地震或有人放炸彈，至少連爆「十幾廿下」巨響。有女街坊見「血男」倒地，嚇到掉頭走。另有受驚過度的老人院婆婆更形容爆炸「仲恐怖過日本仔打到嚟」，情況猶如身處戰火中。曾做過消防員澳洲籍男街坊，更戴上防毒面具走落樓避難。
睹「血男」倒地 女街坊掉頭走
爆炸時身處鳳寶大廈的黃小姐稱：「聽到爆炸聲，屋企震咗一下，好驚，即時落樓避難。」她目睹披血男人「瞓喺着火架車側邊」，立即掉頭走。在鳳德邨家中的陳先生形容爆炸時「好勁咁震咗一聲」，以為發生地震或有人放炸彈，濃煙有數十層高。另住慈樂邨的劉先生憶述：「成間屋企震晒，唔知發生咩事！」另住車房對面的馬先生指當時聽到「好犀利」的「砰」一聲，以為是行雷聲，地下「震咗」幾下。
由於爆炸威力強勁，對面的大廈也遭殃，其中一間老人院窗戶及大門玻璃幾乎全部震碎，潘婆婆指：「爆炸好大聲，恐怖過日本仔打到嚟！」另居住爆炸現場對面大廈、來自澳洲的前消防員Tim，聞爆炸聲及見大量黑煙升至半空，即覺：「This is not good！（心感不妙）」即換衫戴防毒面具落樓，他欲協助救火，但被警員勸阻。