途人搵房車作掩護
【本報訊】車房連環爆炸一刻，烈燄由車房湧出，火光熊熊，震懾街坊！據目擊者稱，烈燄由車房湧出，火光熊熊，黑煙籠罩街道，直捲半空，街上一度伸手不見五指，有人要「摸黑」走避，一名男途人利用一輛七人車作掩護，走到車尾俯身坐下，期間車頭已着火，情況驚險。
附近樓宇玻璃亦被震破
率先到場的警員走近了解，驚聞爆炸後，大為緊張，其中兩名警員急忙撤退，邊行邊大叫：「爆炸呀 快啲走！」呼籲街坊走開。由於警員並無佩戴警帽，需徒手護頭，但亦有街坊毫無懼色，一度走近用手機拍攝，亦有人呼叫︰「嘩！樓上好多人，死梗啦！」有走避的街坊疑慌不擇路，需由其他街坊提點︰「行返上嚟呀！可能有嘢彈出嚟！」
有心水清的街坊表示，車房被大火吞噬時，先後傳出連環爆炸聲，據點數共發生十五次爆炸，每次爆炸俱有碎片飛出街，附近樓宇玻璃亦被震破。