中環出更:涉泊屋邨消防通道 阿基又被投訴

立法會議員馮檢基(阿基)再惹「車禍」!阿基駕駛凌治車半年,兩周內先後惹禍。繼日前有讀者報料,指他在立法會停車場倒車泊位時,涉嫌撞花民建聯立法會議員兼行政會議成員李慧琼的座駕車頭「泵把」並不顧而去後,但他已否認。點知尋晚再有讀者報料指阿基「又亂泊車」,圖文並茂投訴佢濫用職權,無視邨內已有領匯停車場,擅自將座駕停泊在何文田邨消防通道,同時批評房屋署執法不公,容許議員享有特權。

「已經唔係第一次」

阿基認是該車車主,但他聞言後再次呼冤,稱只是聽從停車場保安員指示在上址泊車,過往會見市民時也會停泊上址,「已經唔係第一次」,又謂其他市民都係咁泊,佢為表清白更着記者親自向停車場保安公司求證。根據報料調查車主資料,發現涉嫌違泊車輛是由佳亞顧問有限公司持有,阿基正是有關公司的唯一董事。

第一手消息請下載on.cc東網iPhone/iPad/Android/Windows Phone Apps