慈樂邨滲水補完再滲 房署驗收失當
公屋單位天花反覆滲水，房署被指跟進不善！慈雲山慈樂邨有住戶發現天花滲水，證實源頭來自上層單位改建，向房署反映後，雖已要求上層住戶進行復修工程，惟一年後滲水問題再現，令居民飽受滋擾。關注團體批評房署處理失當，未有認真檢驗修復工程，以徹底根治問題，要求房署檢討現有處理程序。
居於慈樂邨已逾十年的羅小姐指出，客廳近浴室位置的天花於前年開始出現滲水，向房署求助後曾一度解決問題，惟近日同一位置再次滲漏，羅形容現時家中已千瘡百孔，「樓上一開水喉，我呢度就會漏水，要拎嘢嚟裝住，最犀利嗰陣直情一個桶都唔夠裝，啲水仲要係啡色嘅，真係好污糟，好似有銹漬咁」，更為此大感困擾。
漏水惡化「幾時先搞掂？」
羅小姐直指現時「住都住得唔安樂」，批評房署跟進不力，「啲污糟水會惹蚊，我屋企啲細路分分鐘都會畀蚊咬，由前年到依家已經整過幾次，佢（房署）係跟就要跟得徹底啲，件事已經困擾咗我成兩年啦，到底幾時先搞得掂？」
記者在羅小姐的單位了解情況時，只見天花滲水範圍有油漆剝落，四周亦有水漬，滲水位置更有擴大迹象。而對比羅於一三年年底首次向本報投訴時的滲水範圍，現時的情況已明顯惡化。
慈樂邨物業服務辦事處發言人證實，前年接獲住戶投訴後曾派職員到上層單位檢測，發現涉事單位曾作室內裝修工程並更換廁所地磚及坐廁，辦事處即時要求住戶檢查和復修地台，工程於去年一月完成，同月亦完成羅小姐單位的天花外觀修復工程。
王坤批評檢查得過且過
發言人說，今年二月再接獲羅小姐反映單位天花滲水，曾聯絡上層單位住戶安排進入單位進行檢測，惟不得要領，遂按「扣分制」發出警告信，最終於三月到單位檢測時確定滲水源頭為單位廁所地台，四月上旬已完成重鋪地台防水工程。
公屋聯會主席王坤批評房署處理有欠全面，最終只令住戶受苦，「喺上層住戶還原工程嗰陣，佢哋（房署）就應該徹底咁驗收，檢查係咪合格，唔合格就要再維修過，唔係得過且過。」王坤指倘維修工程不徹底，隨時出現後遺症，或令滲漏問題惡化。王坤認為房署應對屋邨滲漏問題加以重視，並在全方位維修行動中加以配合，令居民能真正安居樂業。
記者：呂諾君