港區全國人大代表、城市大學校董會主席胡曉明一向都熱愛網球，後生時仲代表過香港青年軍出賽亞青盃，雖然佢依家已經年屆花甲喇，但依然都係咁好身手。話說香港元老網球總會上周一就舉辦咗一連五日嘅「超壯年網球錦標賽」，畀六十歲以上嘅「元老」級網球好手參加，胡曉明就參加咗六十歲組別嘅雙打賽事。雖然佢嘅對手好多都曾經代表過香港出賽，但因為佢咁多年來都不時練波，所以落場一啲都唔遜色，最後仲奪得亞軍添！
