立法會尋日就財政預算案恢復二讀辯論，「拉布三子」唔止喺早前提出合共超過三千項修訂，尋日仲多次響鐘點算會議法定人數，企圖拖得幾耐得幾耐。向來係議會「道具王」嘅王國興就帶備佢嘅金鉸剪道具，話「拉布」議員提出三千幾項修訂係「大包圍」，既然好似玩「包、剪、揼」咁出「包」，咁立法會主席曾鈺成就好應該出「剪」，對議員重複、無意義、排序性嘅「拉布」要「手起剪落」，作出「剪布」決定喎！
