灣仔：路面現裂痕 駕車陷阱
「條路爛到有條痕，好耐都冇人理過咁，如果路政署平時有巡查，又點會咁都見唔到？」何先生早前沿灣仔盧押道駛往告士打道，發現馬路路面出現裂痕，擔心路面破損將構成安全隱患，「成日話馬路如虎口，呢度日日車來車往，千祈唔好拖到出咗意外先肯做嘢！」
水署：料短期內完成復修
路政署發言人稱，接獲轉介後已即時派員視察，發現涉事路段的水務署井蓋旁路面不平，已轉介予該署跟進。水務署發言人則說，已申請道路許可證，預計短期內可完成路面復修工程。
何先生要求相關部門盡快做好維修工作，並全面檢查有關路段出現裂痕的因由，「照我睇就唔止係井蓋附近路面不平咁小問題，係成條路都有裂痕，路政署唔好將個波踢畀水務署就算，工程完咗之後都要望清楚仲有冇裂痕，有就要再跟進！」