針冇兩頭利；「個人遊」自○三年實施以來將近十二年，起初對香港的零售業、服務業的確有立竿見影之效，然而，隨着○九年開放深圳居民「一簽多行」簽證以來，通關便利令旅客暴增，從○九年起嘅六年間往港人數激增九倍。由數字統計上看，二○一四年內地旅客人數達四千七百二十四萬人次，增長率為百分之十六。
隨着過去數星期嘅反水貨客及反個人遊示威愈趨激烈，港產官僚雖曾在○三年一月及三月先後頒下「雙非零配額」及「限奶令」，然而，港人因生活受到影響怨氣未消，眼見中港矛盾愈演愈激烈，港產官僚後知後覺，終向中央建議改為「一周一行」，政府亦不敢把話說得太死，指出「見效需時」，又籲港人勿當水客。
要打擊水貨客，自然要兩地政府加強合作，否則你有張良計，我有過牆梯，水貨客問題依然難以解決！
「水貨客」問題搞到香港市場經濟畸晒形，所有「藥房」都改變策略賣奶粉，以前是銀行多過米舖，家陣係「藥房」多過銀行，成條上水新豐路都見「藥房」，都咪話唔誇張！在未反貪腐時，內地客來港狂掃黃金、貴價錶、名牌，亦搞到旺區金舖林立，而因為內地客湧港帶動消費，舖租亦一加再加，搞到不少傳統老店，即使有客亦捱唔住貴租被迫執笠，總之，成個香港不但政治秩序亂龍，連以往一向健全嘅市場經濟亦搞到失衡、烏煙瘴氣！
南韓總統朴槿惠訪華期間曾說：要走得快，就一個人走；要走得遠，就要一起走。套在中港兩地亦同樣合適，政客及激進分子短視，以為香港可「獨立」，一個人走，未免太傻太天真，解決水貨客問題固然要兩地合作一起走，政改何嘗不然？一個人走，即使走遠，到頭來亦是死路一條，尋且走多一步就滑落懸崖，能不慎乎？