特首梁振英（CY）之前喺禮賓府閉門聚會時，點名批評「香港本土」發起人毛孟靜（阿毛）帶頭喺尖沙咀購物區拖篋反內地遊客，但有媒體就錯誤引述CY批阿毛帶頭反水貨客，當時阿毛亦急急澄清自己只係反內地遊客，唔係反水貨客。不過，尋日中央公布將「一簽多行」改為「一周一行」，以減低水貨客對香港居民構成嘅影響，阿毛唔知係咪開心得滯，竟然話今次係反對「走私水貨客」「小勝一仗」。今次佢仲唔係鬼拍後尾枕，承認自己都有反水貨客？否則有咩資格出來邀功呢？
