李卓人死撐討論多時
不過，據聞今年支聯會一改沿用多年嘅遊行路線，將起點改為灣仔修頓球場，終點則改為西區中聯辦。莫非係因為參加人數太少，要靠轉移起點同終點來谷人數？
我哋問過支聯會前主席兼立法會議員李卓人，佢就死撐話呢個方案討論多時，但考慮到遊行隊伍難以由維園行去中聯辦，主辦單位亦唔想放棄銅鑼灣，所以一直以來都冇實行。至於點解今年突然決定改變路線，佢話因為政府唔會將民眾嘅聲音反映畀中聯辦，所以佢哋將會親身行去中聯辦表達「平反六四」嘅訴求。佢又話，希望透過改變路線，刺激更多人參加遊行，似乎默認過往嘅參加人數唔理想。