身為標準工時委員會勞方代表嘅工聯會理事長吳秋北，早前被指認同以合約工時取代標準工時係出賣工人利益，又被工聯會立法會議員陳婉嫻批評欠缺經驗應對。吳秋北尋日再提起此事時就澄清，標準工時委員會內嘅勞方委員，包括佢自己，並冇講過話接納以合約工時取代標準工時，當日委員會見傳媒時只係交代會上討論過嘅內容，無話過會係最終方案。佢又話，今次有人誤導指最終方案已訂，係「無的放矢」嘅攻擊喎！
