政情：有相為證：發展局亦寄信「李」克勤

立法會議員陳克勤由○八年當選至今都接近七年，唔通仲係谷唔起知名度？話說以前有公共機構郵寄信件畀佢，都試過將「陳克勤」寫錯做歌手李克勤。點知呢個世界真係好似網民所講，「人類總要重複同樣嘅錯誤」，陳克勤近日就收到發展局公函，竟然係寄去「李克勤立法會議員粉嶺辦事處」，唔知李克勤幾時做咗議員呢？其實發展局去年聖誕節先至喺社交網站曲線恥笑陳克勤黨友嘅橫額串錯字，依家連陳克勤個姓都改埋，莫非當局同佢有仇？難怪陳克勤都只能夠慨嘆「不知所措」喇！