立法會議員鍾樹根經常語出驚人，屢爆金句，尋日又有新作。話說港府早前決定由香港電台承接亞視嘅模擬頻道，港台內外都備受質疑，樹根尋日就喺電台節目直斥港台水平低兼報道偏頗，「你（港台）官辦電台又唔係做官辦電台嘅事，你食碗底、反碗面，攞政府人工卻鬧政府」，所以不應再增撥資源予港台營運亞視頻道。原本「食碗面、反碗底」意思係鬧人「反骨」，但今次樹根就掉轉咗嚟講，佢嘅金句庫又有進帳嘞！
