九巴遭騎劫 車長憂刀客尋仇

疑犯曾稱：有緣再見

被騎劫的姓關（五十八歲）車長，昨接受本報記者訪問時仍「未驚完」，不斷強調：「諗住穩穩定定搵食，點知會有啲咁嘅風險！」他憶述該男子在旺角登車後未付車資，更站其身旁，期間他兩次提醒對方付車資，但對方即拔出利刀，「降住」其腰，喝令「開車，唔好停站，我要去總站。」關考慮到乘客安全，不敢不開車，沿途也不敢停車上客，飛了三個站抵達深水埗界限街，疑犯才叫他停車，但臨走時對他說：「有緣再見！」

他對留言感費解，坦言：「我唔識佢，佢又唔識我，唔知點解會有緣再見。我乜都唔驚，最驚佢嚟尋仇。」

狂徒從食肆刀架取走利刀。

食肆職員指除員工外，其他人禁入廚房。

車長事後士巴拿傍身

事後其容貌曝光，擔心有人認出他尋仇，故放一個士巴拿傍身。他又指：「叫佢入錢好正常，唔知點解會搞成咁。」他昨再駕駛涉事巴士，直言：「真有點兒那個，唔驚就假。」關透露，加入九巴初時做散線，兩年前才轉做212號「固定線」，現時駕駛特別更，工時較長，嘆謂：「就算有風險，為咗搵食，都冇乜辦法，惟有頂硬上啦。」

事件令同線車長震驚，姓張女車長稱，「聽到件事好驚，日日都對住陌生人，冇得防範，只能盡量小心啲，一旦出事，會打開車門讓乘客逃走。」

被偷刀的雅蘭中心大和豚肉專門店，廚房擺放多把利刀，職員指除員工外，其他人一律禁止入廚房，並會嚴加留意陌生人接近。探員到該店調查及翻看「天眼」後，發現一名戴米白色鴨舌帽、身穿灰色短袖上衣，黑長褲及黑鞋的高瘦男子曾迅速進入店內取刀離去。