政府前日宣布亞視不獲續牌，意味着亞視即將結束長達五十八年嘅廣播生涯。亞視前執行董事盛品儒尋日出席電台節目時大爆，亞視嘅廣告收益根本唔夠出糧，基本上係靠主要投資者王征每月注資一千四百萬元先出到糧，佢形容王征嘅做法好似「每日推一架Benz落海」，就算係幾成功嘅企業家都係「癲癲地」。盛品儒又話，王征鍾意出怪招，可惜太有自信，今次係「賭輸咗」。不過，睇番王征嘅往績，似乎係經營不善多過賭輸囉！
