佐敦：雜物長堵後巷 食署睇唔到
「有枱有櫈仲有一大堆膠箱同雜物，直情當後巷係客廳同貨倉，隔籬就係官涌市政大廈，點解都冇人去執法？」居於佐敦的陳先生指出，閩街有大廈後巷長期堆積大量雜物，包括有桌椅及膠箱，疑附近食肆利用後巷空間闢作員工休息地，並存放食肆用品及貨物，嚴重阻塞後巷通道。
食環署發言人表示，接獲轉介後曾派員巡查，期間並無發現雜物。雖然如此，該署職員已口頭警告上址一帶食肆負責人，切勿在公眾地方擺放雜物造成阻塞，否則會被檢控。發言人證實，過去一年，該署曾經接獲五宗相關投訴，並對上址食肆提出一宗檢控。
巡查稱無發現 被指草率
不過，陳先生指上址仍然有大量雜物，質疑食環署的回覆草率，「我成日都會經過嗰度，情況邊有改善過，究竟有冇落去睇過o架？快啲搵人清咗啲雜物啦」