立法會政府帳目委員會尋日繼續聆訊民航處嘅糊塗帳，對於民航處以六億元購置新空管系統問題多多，包括延誤、甚至試過有航機在同類系統雷達上消失。點知民航處處長羅崇文就「耍太極」話，唔知道有咁嘅情況，又話航機在雷達上消失係個複雜問題喎。佢臨走時又被追問該處擅自預留約三千呎大樓空間作「太極班」場地、佢本人有冇耍太極等，佢都一概不作回應，更低頭急步離開，好似好想搵窿捐咁款。唔知佢呢招「低頭加急步」，係咪自創嘅太極招式呢？
