觀塘：九巴編更混亂 「有車冇人揸」
「依家連總站頭班車都脫班，睇嚟九巴到末日都唔會有改善！」李先生早前在觀塘翠屏邨總站等候往九龍城碼頭的11B線巴士，發現三十分鐘後仍未有司機當值開車，不滿九巴的編更安排混亂，要求九巴從速改善。
回應投訴 答非所問
九巴發言人表示，事涉巴士線平日開往九龍城方向的班次為十五分鐘一班，經抽查行車紀錄後，證實除偶然因交通阻塞引致的車務延誤外，班次服務大致正常，各班巴士均能按照其編定時間開出，又強調將密切留意該線服務情況，在資源許可下作靈活調配。
但李先生卻不滿九巴的回應，認為大有「答非所問」之嫌，「我係投訴緊個更表，就算有脫班，總站架車都要照開，咁關塞車咩事？」李先生建議九巴重整車長更表，避免「有車冇人揸」情況出現。