何文田：領匯街市檔 渠旁切豬肉
「雖然有塊木板隔住，但隻豬大過塊木板，啲豬肉掂晒落地下同坑渠度，有時仲有啲血水流咗喺地下，真係好污糟！」陳小姐早前到何文田愛民街市購物，發現有豬肉檔販竟將豬隻置於地上處理，有欠衞生，認為檔販應於肉案處理，「萬一有人洗得唔夠乾淨、又喺地下黐咗啲菌，咪即係食埋地下啲污糟嘢落肚？」
食環巡查檢控持牌人
食環署發言人證實，於突擊巡查上址時發現有豬隻部分部位碰到地面，遂檢控有關新鮮糧食店持牌人，並提醒職員需時刻確保食物衞生及講解儲存和處理食物的衞生知識。發言人又強調，所有從事食物業人士需保護食物，以免食物受到污染或變壞的危險。
領匯發言人則表示，街市辦事處人員已提出口頭勸喻及去信有關租戶要求糾正，並會加強巡查，如發現有關情況會即時處理。