政情:公民講場:「戴」頭犯法 誤人子弟

佔中發起人兼港大法律學院副教授戴耀廷接受捐款風波仍未正式甩身,立法會議員梁美芬(鼠王芬)尋日出席立法會答問大會及續會時,就乘機鬧爆戴耀廷教壞細路。佢憶述早前同戴耀廷辯論時,戴自爆獲逾百間中學邀請宣傳佔中理論,反映通識科「無王管」,任由非法思想散播。鼠王芬又話,唔少擁抱「黃色哲學」嘅教師利用通識科平台宣傳理念,擔心戴耀廷之流到校宣傳,學生聽完會被洗腦喎!鼠王芬仲舉例話,有家長被仔女咒自己快啲死,因為通識科教佢哋繼承法,父母死咗後啲錢都係仔女嘅。如果係真嘅,咁就真係好恐怖。