三車線變兩線 違泊無王管
「晚晚都有成條車龍喺度，仲有唔少大車，搞到三條行車線封咗一條，唔知嘅話仲以為嗰度喺咪錶位！」柴灣居民張先生發現，青年中心外的柴灣道每晚凌晨均有不少車輛違例停泊，當中不乏田螺車、貨車等大型車輛，直至翌日早上才有車主駛走車輛，「有時仲要泊正喺路口，擋住晒視線，有車駛過嚟都唔知！」
警籲市民致電舉報
警方發言人證實，於過去一年共接獲兩宗涉事路段凌晨至早上違例停泊的投訴，均有即時派員處理。發言人強調將繼續留意有關情況，並適當地執法，市民亦可致電向柴灣警署報案室舉報，以便警員處理。
張先生直指問題仍然持續，要求警方密切注視，巡邏時發現違泊則可考慮發出告票，「我之前都試過報警，但係到依家都冇咩改善，希望警方真係正視問題，唔好等馬路變做晚間停車場啦。」