車輛長期違泊 行人路變車場
「啲私家車成日都泊晒上行人路，仲要啲車笠埋車冚，當正條路係停車場咁，你見個車冚積滿晒塵就知好耐冇郁過啦。」荃灣居民鄭先生指出，國瑞路近關門口村外行人路長期有車輛違例停泊，對行人造成阻礙。
警方承認曾接投訴
警方發言人承認，過去一年曾接獲兩宗涉及上址的車輛阻塞投訴，已即時派員處理。發言人又指，接獲轉介後荃灣警署已即時派員跟進，在該處向違例車輛發出十五張定額罰款告票，強調會繼續留意上址情況及採取適當行動。
鄭先生希望違泊車輛能盡快駛離，並遵守秩序泊回附近車位。「都已經有接過投訴，警方真係要加強執法，等啲車泊番入停車場、讓番條路出嚟。」