貨車佔巴士站擋乘客視線

「呢頭啲貨車成日當正巴士站係上、落貨區，搞到巴士埋唔到站，我哋連架車幾時嚟都睇唔到，搞到成日上唔到車！」居於西營盤的李先生指出，區內店舖佔用馬路卸貨已非一朝一夕，近日在德輔道西候車時又再被違泊貨車所擋，需走出馬路方能察看巴士何時抵達，「呢個問題都講緊起碼十幾年，都唔明點解咁耐都冇改善！」

警方發言人證實，去年曾接獲二十七宗相關投訴，期間向違例車輛發出一百四十九張定額罰款告票及四百二十六個口頭警告，強調一直關注涉事地點一帶違例停泊問題，並已加強巡查和執法。

李先生指德輔道西為區內主要交通幹道，與居民生活息息相關，要求警方嚴加執法，「我明有時淨係落貨嘅話，警方可能都會畀次機會佢哋，但係如果影響到人，就唔應該手軟！」