泛民主派二十七名立法會議員本周一罕有一致聯署，表明否決人大「八三一」框架下嘅政改方案，搞到基本法委員會主任李飛即刻話取消下月來港，唔同泛民議員會面。泛民飯盒會召集人梁家傑尋日會後話，中央要將否決政改責任推畀佢哋係「抹黑」，想令佢哋未來兩個選舉輸得「一敗塗地」喎，仲話要成立四人小組抗衡「袋住先」嘅宣傳攻勢。佢咁講真係屈得就屈，泛民已表明堅決否決政改方案，如果唔係驚有人轉軚再次聯署綑綁反對票，中央又點會煞停京官來港呢？所以又何來抹黑呢？莫非佢自己抹黑自己？
