政情：今日你上鏡：店遇示威 「珍」惜安全

針對水貨客及內地旅客嘅衝突接二連三發生，唔少購物熱點出現圍堵、辱罵場面，嚇到旅客走夾唔抖。經營連鎖化妝品店嘅保良局副主席郭羅桂珍都好關注呢個情況，佢話突發事件防不勝防，但無論發生咩事，都要安全第一，所以早有應對措施，吩咐店舖前線員工一遇到混亂場面時，就即時落閘確保安全；佢又提示員工要有高EQ（情緒智商），就算被人挑釁或無理指罵，都唔可以同對方鬥鬧，避免事情惡化。