日貨舖迎戰「10蚊店」重現
【本報訊】日圓韓圜低迷，日韓迷固然興奮，專賣日本貨的商店更磨拳擦掌迎接戰，久違了的「十蚊店」返嚟啦！「十蚊店」因日圓上漲早年升格「十二蚊店」，但新興日貨連鎖店五間分店早前開始長期提供九折或八折而變「十蚊店」重現外，未來兩周會再多五間分店轉型，三間新開的變相「十蚊店」亦最快下月底開業，日圓平令入貨種類增加，提供折扣抗匯率下跌原因是估計日圓至少低水一年。
入貨種類增 折扣未敢太狠
「十二蚊店」貨品並非生活必需品但有吸引力，阿信屋母公司CEC國際主席林偉駿指，日圓高水時只能引入六十至一百日圓貨品，現時能擴闊至一百五十日圓的種類，令「十二蚊店」出售的貨品種類達三千種，分店每月有三周提供八折優惠，即變相是「十蚊店」，但他坦言不敢開得太狠：「有好多十二蚊店加入市場，但日圓一升番就做唔到咁平唔會有咁多貨。」
日本潮物店JC Shop負責人莊天頌形容日圓愈跌得多愈好，估計年內或再貶值十至二十點子，熱賣潮品令不少潮迷忍不到手。
韓國化妝品專門店店員孫先生表示，韓圜持續下跌即等於來貨價大減，遂折扣優惠回饋消費者，精華素及面霜大賣，最平低至半價。