【本報訊】「個頂已經壓扁，人都見唔到。」保時捷跑車飛撼橋躉，在爆炸起火前的一剎那，因車身橫拍橋躉，整個車身變成「鐵餅」，加上被烈燄包圍，在附近工作的目擊者陳先生表示，「架車喺個花槽上面」，根本見不到車內有人，他立即報警，詎料保時捷隨即又再起火，「我報咗警先，有少少冒煙，已經開始着火。」他形容保時捷短時間內已陷火海，整輛車由頭燒到落尾，「好短時間已經有煙、火、爆，跟住大火。」車廂扁到車頂貼車輪，有貨櫃車司機曾試圖救火，但因火勢猛烈而放棄。
陳先生稱，「有啲貨櫃車司機經過，有兩個司機想行埋去，點知發生爆炸，跟住就走咗。」另一名姓黃貨車司機稱，他駕駛的貨車原本停泊在昂運路，至凌晨四時許，他取車駛離昂運路，準備在五時抵達西隧，詎料甫駛出昂運路迴旋處，「一出去就見到火光。」他立即落車了解，「經過想救人，打電話報咗警，落車睇下幫唔幫到手，初初好細火，但行過去時聽見『嘭』的一聲，爆炸好勁，唔敢行過去。」
據閉路電視片段顯示，跑車凌空撞橋躉再跌落花槽後，再度陷入火海，期間又傳出兩下爆炸聲，「爆兩下，好輕微。」姓黃司機稱，因為通宵時分現場人車罕至，未見現場有其他人，不過就算其他人經過，亦難以救熄烈火，後來有消防員到場開喉灌救。