小販霸埋車路 食署當睇唔到
政府早前大肆宣傳呼籲阻街商戶「讓路」，然而元朗合財街的阻街問題非但毫無改善，更有不斷蔓延之勢。除商戶慣性將發泡膠箱等雜物放於行人路及馬路外，近日更有大批無牌小販加入霸路行列，令行車線幾近癱瘓致險象環生，食環署職員即使巡經卻對亂象視若無睹。區議員直指有關道路阻塞問題一直嚴重，要求部門嚴厲執法，還市民一個安全環境。
馮先生早前駕車駛經元朗合財街，發現馬路兩旁均被大量貨物及車輛「佔領」，市民與理貨工人則肆無忌憚在馬路穿梭，短短一百多米的道路，竟需花上近五分鐘始能通過，「一路行要一路避啲人，又驚啲發泡膠箱冧落嚟，真係好牙煙！」馮於泊車後再到附近購物，發現有小販在行人路及馬路上擺賣，「成班小販喺合益街市門口開檔不特止，仲有貨車泊喺馬路賣嘢，真係好誇張，食環署人員企晒喺隔籬元朗新街，呢度咁亂就好似完全睇唔到咁！」馮坦言不滿食環署職員有法不執，與政府宣傳着商戶勿違規阻街政策背道而馳。
屬已識別小販黑點
食環署網頁資料顯示，合財街屬食環署已識別的無牌小販聚集黑點。記者曾在農曆新年前實地視察，發現該處人流及車量極多，不但有小販在行人路擺賣，馬路更擺放大量貨物，亦有貨車停泊在馬路旁直接「開檔」，令行車線大幅收窄，期間有放於馬路的雜物更突然塌下，即使有食環署職員於毗連的元朗新街站崗閒聊，亦未有趨前了解。至於農曆年後人流雖稍有減少，但小販與貨物阻街卻依然嚴重，食環署職員則繼續「影都冇」。
去年接二百宗投訴
「呢度嘅阻街問題平時已經好嚴重，過年之前就更加誇張，啲車入都入唔到嚟，往年都有同部門反映過，但到今年都係冇改善！」當區區議員蕭浪鳴承認，合財街阻街問題一向極為嚴重，加上有小販窺準該帶人流暢旺而無牌擺賣，令行人路及行車線阻塞情況更為失控，「只要影響到市民、危害到交通安全，食環同警方都要嚴格處理，唔好到有交通意外搞出人命先嚟做嘢！」
食環署證實，過去一年共接獲二百一十四宗有關上址一帶無牌小販擺賣及店舖阻街投訴，同期提出一千七百五十四宗檢控，其中涉及合財街的檢控有三百五十六宗。接獲轉介後再派員巡查，發現有店舖佔用行人路擺賣造成阻塞，已檢控有關負責人。警方發言人則說，去年接獲四十三宗相關投訴，強調警方會按現場實況執法及進行交通管制，以確保道路暢順和其他道路使用者安全。
記者：楊育輝