自願醫療保險計劃三個月諮詢期即將結束，但有立法會議員反映市民仍然不了解計劃詳情。其中保險界議員陳健波更批評，自願醫保稅務優惠少，又無持續投保優惠，相信吸引年輕人購買嘅誘因好彽，寧願留在公營醫療系統，最後只有高風險嘅人投保。陳健波直指政府要扮上帝插手醫保，但就無辦法保證保費不會飊升，萬一最終醫保爆煲，會催毀保險業喎！究竟邊個扮上帝呢？莫非係負責計劃嘅食物及衞生局局長高永文？
