車輛亂泊塞電單車位
「啲電單車位成日都畀外面啲車塞死晒，又有貨車又有私家車，全部都亂咁泊，搞到我哋成日都泊唔到入去，最弊係有時已經泊咗入去，啲車先埋嚟塞住，架電單車就困咗喺入面。」土瓜灣居民杜先生指出，下鄉道有電單車位被違泊車輛阻礙，令電單車無法正常駛出或駛入。
居民促加強檢控
警方發言人表示，紅磡警區十分關注區內交通情況，當接獲轉介後已加強前線人員巡邏及執法。發言人又強調，會繼續監察上址交通情況及對違例車輛採取適當的執法行動。
杜先生冀有關部門嚴正執法，趕絕車輛違泊，「真係要嚴啲檢控，呢區好多人用電單車，啲車亂泊塞住電單車位又會令到電單車司機亂泊電單車，結果就會沒完沒了。」