| 我要讚讚你： | ||
| 我要讚讚你：義教不孤單 | ||
每年一會的感情有多深？大學生羅偉特（Victor）中學時曾隨團到內地探訪愛滋遺孤，活動後對做義工服務有深刻反思，認為一次性的探訪對遺孤幫助有限，於是聯同志同道合的朋友組成義工團，充當大姐姐及大哥哥，每年定期到安徽孤兒院及學校進行探訪及義教，並因應孩子的成長訂下年度主題，教授不同知識。四年來，義工與遺孤建立深厚感情，猶如親人，見證孩子成長的一點一滴，盡是感動。
「只係去一次探訪，每次一個星期，對小朋友有咩影響呢？對於遺孤嚟講，佢哋需要嘅係一個哥哥姐姐，分享生活同埋想法。」現時就讀香港中文大學三年級的Victor指，中六時曾與曹曉東（Michelle）及石嘉敏（Elise）到安徽「愛滋村」探訪，當地有不少小朋友的父母因愛滋病離世，成為孤兒。他們由較年長的孤兒院員工照顧起居飲食，但要找個年齡相近的人分享成長歷程，卻苦無對象。
每年一會 伴孤兒成長
Michelle認為，遺孤與探訪者的關係，應該是長遠而深厚，才能對遺孤成長有正面影響，「做義工唔係參觀動物園，探完就走，而係同一班人陪伴住佢哋成長，做佢哋嘅『垃圾桶』，接收負能量。」三人決定與遺孤訂下「每年一會」的約定，趁暑假或聖誕節假期前赴安徽探望他們，分擔苦與憂。Victor指，每年都會配合小朋友的成長，制訂義教主題，「第一年去就認識大家，第二年就教佢哋英文等知識，發現佢哋原來連國家主席都唔知係邊個，第三年去到就教佢哋常識，上年主題就係青春期成長教育。」
四年來，三人見證遺孤的成長，由當年害羞又不懂事的小孩，變得獨立又貼心，令他們深感安慰。Elise憶述起與遺孤相處逸事，亦感動得眼泛淚光，「有個小妹妹，我第一次見佢得四、五歲，仲要我照顧佢。但上年我去嘅時候咁啱病咗，佢叫當地義工畀張床我休息， 又拎暖水袋畀我用，仲跑上跑落睇吓我情況，一瞓醒第一眼就見到佢，比屋企人仲關心我。」三人不約而同認為，在遺孤身上得到的，比他們付出的還要多。
圖：吳啟偉、受訪者提供
文：溫盈盈
逢周日刊出
提名熱線:3600 9999
Fax:3600 9900
E-mail:like@on.cc