葵芳：違泊猖獗 逼人「攝車罅」
「見住啲人咁過馬路都覺得牙煙，如果司機收唔切掣，真係隨時搞出人命！」葵芳居民呂小姐近日途經興寧路，發現上址違泊問題嚴重，更目擊有途人被迫「攝車罅」急步橫過馬路，不滿警方未有嚴厲執法，間接放生違泊者。
警打擊成效受質疑
警方發言人說，過去一年共接獲一百一十四宗交通投訴，共發出三百二十九張定額告票，又透露葵涌分區已制訂策略性重點打擊計劃，今年截至二月中接獲涉及上址的違泊投訴已減少至三宗，強調會繼續派員定時巡查及採取檢控行動。
惟呂小姐近日再重臨涉事路段，坦言情況依舊，質疑警方「得個講字」，「投訴完都係有成行違泊，啲人仍然要喺兩架車中間過馬路，遲早實出事！」呂小姐建議警方應主動巡查上址，嚴懲違規車輛。