天水圍：行人路晾衫 有礙觀瞻
公眾地方晾曬不但有礙觀瞻，更會對公眾造成滋擾！天水圍居民陳先生平日跑步不時會途經天影路，發現每逢陽光普照的日子，明渠側的行人路欄杆皆變成晾衫場，「好天啲人就會掛晒啲衫褲出嚟，有啲離譜到晾到攔住條路，啲人真係冇公德心！」陳要求政府部門加強管理及宣傳，減少晾曬對公眾造成滋擾。
市民倡增晾曬設施
元朗民政事務處發言人表示，該處會定期聯同多個部門在晾曬黑點採取聯合清理行動。投訴所指地點亦是為聯合清理行動的恒常清理範圍。去年一月至今，該處共進行七次聯合清理行動，期間並無接獲相關投訴。發言人又稱，民政處亦進行宣傳教育，包括發信予天水圍相關的居民組織，要求協助提醒住戶切勿在公眾地方晾曬衣物。
「呢個問題存在咗好多年，宣傳係有效嘅話啲人就唔會周圍曬衫！」陳先生不滿部門行動成效欠奉，又要求部門商討提供晾曬設施，確保晾曬活動不滋擾公眾。