覆函錯地址申訴署洩隱私
處理政府部門投訴的申訴專員公署疑行政失當！申訴專員公署職能本為監察本港公共行政、服務市民，卻有市民發現申訴署竟將涉及個人資料之覆信錯誤投寄。有立法會議員指出，申訴專員公署性質獨立，現時未有特定部門或機制監察其運作，建議該署檢討事件，避免同類事件再發生。
梁先生於半年前與年邁父母申請天倫樂優先配屋計劃，希望父母能從港島區遷至九龍東區以便子女照顧，由於申請全無音訊，遂向申訴專員公署求助，未料結果卻令梁更為失望，「（公署）本身話兩個禮拜就會有回覆，但三個禮拜都未有，我就打去問啦，點知個職員竟然話封回覆信寄錯咗去第二度。」梁指覆函載有個人資料及投訴事項，擔心私隱隨時外洩，不滿申訴署處事兒戲。
以保密為由 拒絕回應
鑑於對申訴專員公署信心盡失，近日梁決定終止申訴，「申訴署講明係為市民服務，我諗住佢可以幫我解決到問題，咁重要嘅部門，點知竟然犯啲咁嘅錯，仲夠膽畀資料佢跟咩！」梁又不滿向職員追問信件下落時，才被告知資料不足需作後補，「唔係我追佢，佢都唔叫我補番啲資料。」梁直指事件已令公署的專業形象大打折扣。
記者曾就事件向申訴署查詢，惟發言人竟以法例規定該署須遵守保密條文、不得披露任何根據《申訴專員條例》執行職務時所知悉的資料為由，拒絕就事件回應。
行政失當 議員促檢討
發言人又說，過去一年並未接獲有關回覆信件錯誤投遞的投訴。梁先生坦言對申訴署的回覆大感不滿，「佢一定係想收埋件事，我有同啲職員投訴，公署仲有書面回覆話打錯咗地址，仲同我道歉添，點會冇接獲相關投訴？實係講大話！」
立法會議員范國威指出，「申訴署其中一個重要職能係接受市民投訴，處理唔同部門懷疑行政失當嘅個案，佢係一個直屬嘅官方機構，負責去監察政府部門同單位，因為標榜處理行政失當，所以市民都會有一個合理期望，預期公署喺處理投訴方面會有高嘅嚴謹度同效率。」范國威認為，申訴署應檢討是次事件，在未來要更謹慎、謙卑地處理市民投訴。
記者：呂諾君、蘇敏婷