蔡芳裕：幾fit都要定時檢查
【本報訊】與陳Sir認識多年的前香港籃球隊成員及教練蔡芳裕，昨聞訊後大表惋惜，他指在南華青訓班任教時，陳只有十六、七歲，球技了得，且十分勤力及積極，對籃球非常投入及有熱誠，近年又經常帶領學生參加比賽，培育後輩。蔡嘆謂，陳仍然十分年輕，平日亦有常做運動，身體應很健康，卻突如其來發生悲劇，坦言事件是對球員的一個提醒：「無論一個運動員身體有幾fit（強健）都要定時做身體檢查，打波亦要留意身體發出嘅警示，有唔舒服要停落嚟休息，唔好去到咁盡！」
先天隱性心臟病難察覺
急症室專科醫生彭繼茂表示，相信事主可能患上先天性的心肌發大或心跳紊亂，引致心泵不到血上腦而猝死，亦有機會患有腦血管畸生，腦血管會突然爆裂引致中風，情況足以致命。彭直言難以揭發這些先天性隱性心臟問題，並說：「除非病人試過一次突發心臟血管問題而死唔去，較機警嘅醫生就會做一次詳細嘅心臟檢查，或者可以揭發隱性疾病。」他又指，這些隱性病「連心電圖都檢查唔到」，除非事先會出現異常情況，否則難以察覺。
