「愛心」婦日日餵飼 恐養豬為患街坊

婦人將大堆裝載在膠袋內的食物取出，堆成小山丘供野豬享用。

該名六十餘歲婦人對動物愛心爆棚，「十幾廿年前開始餵貓，兩年前開始餵狗，上年五月開始餵野豬，依家連箭豬都嚟埋，佢哋（箭豬）一家七口從梯級行過來，噠噠噠，不知幾得意。」她不說姓名，又講現在每天只睡三數小時，馬虎梳洗後，在深夜時分四處到麵包舖及食肆張羅食物，賣剩的麵包及飯盒廚餘都是她主要的收集物品。回想第一次見到野豬時感到害怕：「點知佢哋會唔會攻擊我？我畀啲嘢佢食，點知又食喎，跟住同我好friend。」

大袋麵包飯餸鋪地任食

每天黃昏，都會見到該名婦人雙手挽着數個載滿麵包及飯餸的大膠袋，步履蹣跚地走到山坡一個平地，將袋中食物傾倒在鋪好的大膠布上。因食物數量多，婦人每次都行至喘氣：「我好忙o架！整完呢度畀豬仔同貓食，又要到上面，嗰度仲有好多貓等緊我餵。」「麵包要全部攞出嚟，炒飯又要從幾十個飯盒扒出來，陣間仲要拆骨畀貓食。」

市民怕怕 學生阿文（培僑中學）：我間學校喺山上面，成日都見到野豬行嚟行去，好多同學都見到。野豬好似街邊流浪狗咁，完全唔驚人。

市民怕怕 吳小姐（街坊）：梗係驚啦，佢哋成日夜晚出現，有時行過，如果聞到人嘅氣味會咆哮。我自己同鄰居成日見到野豬行嚟行去。

婦人餵豬地點旁樹幹上掛有不要餵飼野生動物的告示，她嗤之以鼻：「啲人雀仔、野豬、貓、狗都統統唔鍾意。」講完便收拾物品，趕往另一地點餵貓。