簷篷露鋼筋 恐塌壓途人
太子道與洗衣街交界平日人流不絕，樓宇外牆卻乍現危機，「我留意咗呢幢樓好耐，特別係個簷篷，零零舍舍有一舊嘢凸咗出嚟，最近仲甩油甩得好緊要，有幾撻仲現晒鋼筋，都唔知會唔會冧落嚟。」黃先生指有關簷篷剝落嚴重，擔心日久失修影響途人安全。
屋宇署發言人表示，根據紀錄，當局已向該大廈業主立案法團發出維修令，要求維修樓宇外牆及簷篷。發言人稱，法團已委任認可人士及註冊結構工程師，負責統籌有關的修葺事宜，有關工程仍在進行，該署將會繼續跟進。
「成日都好多冧石屎砸死人嘅新聞，睇見都驚，希望快啲催下佢哋整番好幢樓啦。」黃先生要求屋宇署加緊跟進，防患於未然。