政情：今日你上鏡：德議會重溝通 陳克勤有得着

香港政改爭議能否有突破性進展，未來三個月將進入關鍵時刻。立法會議員聯絡小組委員會組代表團本月初到德國考察，包括同德國聯邦議院代表等人會面。代表團成員之一、建制派議員陳克勤事後有感，自言德國嘅政治制度複雜得連當地德國人都未必能夠完全理解，又話雖然行政、立法互相制衡，但都講求溝通和妥協，事關佢呢幾日見到唔少當地政府官員同議員，佢哋都話如果冇溝通和妥協，立法和行政機關都不能有效運作。今次代表團其實都有數名泛民議員在場，唔知佢哋有幾多聽得入耳呢？